CONSIDERACIÓNS PREVIAS 

Dende o Socialismo temos un firme compromiso coa Igualdade; este compromiso vén reflectíndose claramente na nosa forma de actuar politicamente cunha orientación ben marcada de maneira transversal a acadar un municipio “pola  igualdade de xénero”.

A nosa aposta desde hai anos concrétase na necesidade de que desde o Concello temos que xogar un papel transcendental nesta loita situándoa como unha prioridade e un eixo central a considerar en todas as nosas políticas.

Neste eido da igualdade e como punto de partida, consideramos primordial a execución das medidas contempladas no Pacto de Estado Contra a Violencia de Xénero correspondentes ao ámbito local, a través dos orzamentos específicos para esta finalidade e establecendo as medidas necesarias de coordinación institucional coas demais administracións e entidades expertas na loita contra a violencia de xénero.

PROPOSTAS

UN CONCELLO COMPROMETIDO COA IGUALDADE

Dende as institucións públicas temos que ser referente e dar exemplo á sociedade en todos os eidos e moi especialmente no da igualdade, é polo anterior, polo que na nosa defensa permanente do desenvolvemento dun comportamento igualitario sen exclusións tanto no funcionamento interno como no externo, máis próximo á cidadanía, é polo que propoñemos:

1. Dotación dun orzamento suficiente á Concellería de Igualdade para o desenvolvemento de políticas que fomenten a igualdade.
2. Creación dun órgano de seguimento da transversalidade de xénero no conxunto das políticas municipais.
3. Aprobación dun Plan de Igualdade para o persoal do propio Concello, que conteña aspectos coma medidas de conciliación: flexibilidade horaria, teletraballo, utilización dunha linguaxe non sexista ou estereotipada en toda a actividade do Concello, adaptación de formularios e escritos para o uso de linguaxe inclusiva, introdución da perspectiva de xénero na contratación administrativa, redacción de orzamentos, convocatorias públicas…
4. Redacción de un protocolo de actuación fronte ao acoso sexual e ao acoso por razón de sexo.
5. Realización dunha análise profunda para detectar áreas nas que a muller estea infrarrepresentada co fin de visibilizalas e poder adoptar medidas para corrixilas.
6. Execución das obras de acondicionamento necesarias nos edificios administrativos e infraestruturas do Concello para a dotación de salas de lactación e muda dos bebés, que conten co mobiliario axeitado e dispensen a maiores produtos de hixiene asociados coa menstruación.

A EDUCACIÓN COMO FERRAMENTA BÁSICA PARA CONSTRUÍR UNHA SOCIEDADE IGUALITARIA.

Os e as socialistas defendemos que para romper as barreiras existentes entre os dous sexos e acadar cambios positivos na sociedade é imprescindible educar en igualdade e crear novos referentes sólidos.

A igualdade ten que ser cimentada dende a base. Unha educación na escola con perspectiva de xénero axuda á prevención das súas problemáticas: contribúe a diminuír a desigualdade no proceso de construción da personalidade de nenas e nenos e na súa evolución e desenvolvemento e é esencial para construír sociedades máis equitativas e xustas. Para lograr estes propósitos as nosas medidas concretaranse en:

1. Programacións nos centros educativos tanto de educación infantil, primaria e estudos secundarios e superiores, adaptadas a cada etapa evolutiva nas que se desenvolvan actividades vinculadas á igualdade coma traballos, faladoiros, pezas audiovisuais ou teatrais, xornadas de pais/nais e fillos/as, posta en coñecemento de referentes femininas, etc.

Nestas actividades expoñeranse diferentes temáticas coma: a eliminación dos roles de xénero, educación sexual para previr as violencias machistas, pornografía e prostitución, uso das redes sociais e dos dispositivos móbiles, mito do amor romántico, etc.

1. Participación de todos os IES do municipio no Consello da Muller nova e nas datas conmemorativas vinculadas á igualdade con proxectos que conten coa colaboración activa do Concello.
2. Mantemento dos Premios Ernestina Otero Sestelo que están orientados a recoñecer e valorar aqueles proxectos educativos innovadores e relevantes en canto á incorporación da perspectiva de xénero.

POLÍTICAS PARA CONSTRUÍR UNHA SOCIEDADE IGUALITARIA.

As e os socialistas defendemos que Pontevedra, ademais de ser o espacio de vida e convivencia, sexa tamén un espacio de liberdade, seguridade e dignidade para as mulleres.

Polo anterior a nosa acción política desenvolverase dun xeito acorde con este compromiso claro coa defensa dos dereitos das mulleres, que afiance e consolide os avances conquistados fronte a aqueles posturas políticas que pretenden relegalos a un segundo plano ou incluso eliminalos.

Para a consecución deste compromiso, propoñemos:

1. Realización de campañas específicas de sensibilización cara a cidadanía nas datas conmemorativas coma o Día Internacional da Muller ( 8 Marzo), Día Internacional contra a violencia de xénero (25 Novembro), Día Internacional da Muller e da Ciencia (11 Febreiro), Día das Mulleres Rurais (24 Outubro) ,Día Internacional contra a Explotación Sexual e o Tráfico de Mulleres, Nenas e Nenos ( 23 de setembro)…
2. Continuar impulsando o programa “Mulleres que opinan son perigosas” como unha forma de visualizar a importancia das mulleres no mundo da comunicación.
3. Fortalecemento da estrutura do CIM de Pontevedra. Consideramos que é necesario un reforzo de persoal e tamén orzamentario que permita realizar nas mellores condicións as súas funcións e o faculte para o incremento da súa actividade mellorando a asistencia ás usuarias.

Para a consecución destes fins é necesario incrementar as campañas de información sobre a existencia deste recurso e o acceso ao mesmo, reforzar o servizo de atención psicolóxica (consulta, tratamento e diagnóstico) e xurídica a mulleres e crianzas de vítimas de violencia de xénero e mulleres vulnerables.

Ademais, será preciso elaborar un Protocolo de actuación e coordinación entre o CIM, os Servizos Sociais do Concello, Policía Local e o SERGAS que melloren a resposta ás situacións de violencia de xénero e garantan unha protección permanente contra a violencia de xénero e a asistencia ás vítimas, desenvolvendo unha atención integral e interdisciplinar garantindo unha eficaz resposta ás situacións de emerxencia e un apoio xurídico, psicolóxico e asistencial de forma coordinada.

1. Promoción de actividades no eido cultural coma faladoiros, pezas teatrais ou audiovisuais dirixidas cara o público en xeral e tamén cara o público infantil, que sensibilicen en materia de igualdade e visibilicen o papel da muller (corresponsabilidade, saúde feminina, mulleres relevantes na historia, violencia de xénero, prostitución…)
2. Posta en marcha de obradoiros e cursos para mellorar a autonomía das mulleres e a súa capacidade de resposta (cursos autodefensa, dixitalización, conciliación, violencia de xénero…)

Seguir promovendo o PROGRAMA SOMOS QUEN de actividades para MULLERES NAS PARROQUIAS que é un programa de fomento da igualdade de xénero e da participación social das mulleres do rural do concello co fin de fomentar os valores de igualdade e que comprende actividades que se centran en tres áreas de acción: saúde e benestar, creatividade e comunicación e actualización en habilidades sociais e dixitais.

1. Articularemos as políticas de Igualdade a desenvolver nos municipios a través da actualización do Plan Integral de Igualdade, tendo en conta as medidas específicas e todas aquelas medidas relacionadas coa igualdade de xénero, loita contra a violencia e a erradicación das discriminacións sexistas.
2. Plans de Igualdade que recollan as diferentes medidas en cada ámbito (laboral, sanitario, educativo, loita contra a violencia, corresponsabilidade, etc.), dende unha concepción transversal de xénero, así como tendo en conta as necesidades específicas das mulleres máis vulnerables (con discapacidade, migrantes… )
3. Desenvolvemento de medidas e programas de apoio ao emprego das mulleres, fomentando a capacidade de emprendemento das mulleres, así como impulsando e favorecendo a presencia e participación de las mulleres nos diferentes sectores da actividade económica presente no municipio.
4. Impulso e apoio, cos distintos sectores económicos e sociais do municipio, de accións para reducir e eliminar a brecha laboral e salarial entre homes e mulleres.
5. Posta en marcha de accións no eido municipal encamiñadas a acadar a concienciación e sensibilización da sociedade en igualdade e contra a violencia cara as mulleres, a prostitución…, poñendo especial fincapé na mocidade.

Seguiranse impulsando programas e talleres municipais de educación en valores, promoción da igualdade, prevención do machismo, educación para a saúde e sexualidade responsable.

1. Impulso e reforzo dos Consellos locais da Muller, para abordar desde el ámbito municipal propostas e solucións, e crear os observatorios municipais de igualdade como espazo físico para o desenvolvemento de iniciativas en materia de igualdade, no que participen representantes do tecido social e educativo da cidade.
2. Consolidación e expansión da implantación dos puntos lilas que prestan un servizo de sensibilización e asistencia as mulleres en coordinación coa policía local, garantindo unhas festas libres de violencia. Acompañaremos os eventos festivos con campañas previas de concienciación.
3. Implantación dun protocolo de resposta antes situacións de acoso ou abuso sexual  en coordinación cos diferentes locais de ocio nocturno do municipio que permita dar unha resposta rápida e efectiva ante estás situacións.
4. É desde a importancia que lle damos a que a igualdade impregne todas as esferas sociais, culturais ou educativas, ademais de toda a actividade tanto interna como externa do Concello en todo o municipio, que ademais de políticas transversais en prol da igualdade e accións concretas que detallaremos nos distintos apartados, imos poñer en marcha un recoñecemento de igualdade a través dunha convocatoria anual que visibilice aqueles centros educativos, empresas municipais, locais comerciais ou servizos administrativos do concello que poñan en práctica medidas que fomenten unha igualdade real entre homes e mulleres, den mostra do seu compromiso neste eido a través da utilización da linguaxe inclusiva, respresentación igualitaria.