CONSIDERACIÓNS PREVIAS 

As actuacións realizadas no ámbito da  Mobilidade Urbana Peonil e de Restricción ao Tráfico no Casco Urbán adoptadas nestes últimos anos (retiro de aparcamento, lombos, sinalización, regulación de carga e descarga, etc.) non son por sí soas un modelo territorial senón medidas instrumentáis que permitiron gañar espacio dos coches para os peóns e están na liña de mellorar a saúde da poboación e de conseguir devolverlle aos cidadáns unha parte importante do espazo público para o seu uso e disfrute, e ahí estivemos os socialistas apoiando e impulsando estas medidas.

Pero hai que superar estas actuacións e evolucionar o crecemento da cidade derivado do PXOM actual cun Modelo pechado, desequilibrado e funcionalmente deficiente (crecemento de costas ao Río Lérez e á Ría, déficit de servizos e dotacións en barrios e centro, ordenación en mazán pechada e con viais estritos, problemas de tráfico e acceso rodado,  etc.) para transformalo nun auténtico e ambicioso “Modelo de Cidade Integral, Funcional, Equipada, Sostible e Verde”.

“A PONTEVEDRA QUE VÉN” é o slogan titular dun Programa de iniciativas e actuacións que  se distínguen pola calidade, a funcionalidade, a sustentabilidade e a humanidade, principios de excelencia que deben inspirar o presente e o desenvolvemento futuro da cidade que, coa súa contorna, está chamada a ser “A BOA VILA PARA VIVIR E CONVIVIR”.

PROPOSTAS

1. ESTRATEXIA PONTEVEDRA FLÚE, co tratamento das dúas beiras do río Lérez, recuperación e drenaxe da conca municipal e incorporación dos Terreos de Costas desafectados ao Sistema Xeral de Espazos Libres e Zonas Verdes, completar a construción de equipamentos deportivos e lúdicos que convertan estes espazos nun referente e atractivo da cidade vencellada ao río e transmitan un novo sinal de identidade.
2. Creación dun Parque de Vivenda de titularidade municipal que dé resposta a necesidades específicas urxentes ou aluguer social co obxectivo de incorporar ao mesmo un número aproximado de 50/60 vivendas en cada lexislatura e creación dunha Oficina Municipal Permanente de información en materia de Vivenda
3. Redacción dun novo PXOM de Pontevedra e Revisión do PEPRICA
4. Actuación viaria integral na contorna da Av. Raíña Victoria, Parque das Palmeiras e Instituto “Sánchez Cantón” 
5. Creación de novos e extensivos carrís bici/patíns
6. Exixencia á Xunta de Galicia de completar o Proxecto de Reurbanización do Espazo Público en Monteporreiro.
7. Implementación de iluminación horizontal con luces led en tódolos pasos de peóns.
8. Plantexamento de novos aparcadoiros de superficie disuasorios (ex.- A Parda/Conde Bugallal, Traseiras de Valdecorvos, etc.)
9. Reconsideración dos mecanismos de calmado de tráfico: dos lombos coa súa adaptación á normativa vixente do Mº de Transportes para travesías de limitación de velocidade 30 (Orden FOM/3053/2008, de 23 de septiembre) e da sinalización
10. Plan de Tratamento das Medianeiras
11. Traslado do espazo actual de aparcadoiro de autocaravanas, levándoo á outra punta da antiga parcela de Tafisa e promovendo o establecemento dun hotel nesa parcela ocupada polo aparcamento de autocaravanas.
12. Converter o antigo Asilo  en residencia universitaria.
13. Creación dun novo Ente Xestor: XERENCIA MUNICIPAL DE URBANISMO.
14. Presentación de Proxectos de Rehabilitación e Humanización de Barrios nas convocatorias de Axudas Europeas de Financiamento para mellora da eficiencia enerxética
15. Creación dun Novo Punto Limpo Municipal.
16. Reconsideración da trama viaria como sistema integral de mobilidade e uso público: eliminación das barreiras arquitectónicas, accesibilidade dende as beirarrúas aos baixos comerciáis, control de veladores, posibilidade de eventos multitudinarios (feiras, festas, concertos, competicións deportivas, etc.) e seguridade, etc.
17. Establecemento ou incorporación de equipamentos no eido periurbano e rural (Barrios e Parroquias) que faciliten a integración nas dinámicas urbanas e viceversa.