CONSIDERACIÓNS PREVIAS 

O chamado “Rural” de Pontevedra está conformado por quince parroquias, nas que vive, aproximadamente, o 40% da poboación, mái de 33.000 mulleres e homes que teñen ese espazo como o seu lugar de residencia.

No Socialismo consideramos que os núcleos rurais deben acadar o liderado que lles corresponde, actuando con decisión e sentido común e destinando os orzamentos municipais a atopar un reequilibrio do noso territorio. Mellorar as condicións de vida dos habitantes das parroquias e asentar a poboación nos nosos núcleos son os nosos obxectivos, facendo que o modelo de cidade se transforme en “Modelo de Concello”.

PROPOSTAS

1. Consideración dos núcleos rurais como ÁREAS DE REHABILITACIÓN ESPECÍFICA. En tanto non se aprobe un novo PXOM, é necesario estudar a consideración dos núcleos rurais como AREAS DE REHABILITACIÓN ESPECÍFICA. Isto permitirá aos propietarios de vivendas contar con axudas públicas semellantes ás das áreas ARI, puidendo acometer  a renovación  e rehabilitación das súas vivendas dentro duns determinados parámetros.
2. Creación dunha MARCA VERDE propia. Como marca de calidade dos cultivos procedentes das hortas e veigas das nosas parroquias e que permitirá dotar de valor a unha actividade non tan escasa como pode parecer.
3. Creación dun VIVEIRO DE EMPRESAS AGRÍCOLAS a través do que se avance na profesionalización e formación no cultivo e comercialización dos produtos agrícolas e gandeiros.
4. BONIFICACIÓNS FISCAIS, tales como, mentres non se proceda á completa dotación do servizo de saneamento e abastecemento, a redución dun 30% no recibo do IBI das vivendas que carezan dalgún deses servizos. 
5. DOTACIÓNS E EQUIPAMENTOS para os moitos centros cívicos e culturais existentes, moitos deles con problemas de mantemento. Nestes centros seremos quen de ofertar múltiples actividades para a poboación do rural.
6. Destino dun MÍNIMO DO 10% DO ORZAMENTO MUNICIPAL de investimentos na mellora e adecuación dos servizos ás demandas da cidadanía do rural:

• Transporte público gratuito ou subvencionado.
• Maior seguridade viaria, a través de medidas de medidas para garantir que se cumpra o límite de 30 km/h.
• Recuperación dos camiños veciñais primitivos, converténdoos en vías verdes rurais.
• Mellora e remate das redes parroquiais de abastecemento e saneamento.

1. CREACIÓN DUN BANCO DE TERRAS coas que se atopan en situación de abandono para que se lles poida dar un uso social. 
2. FOMENTO DE MICRO COMUNIDADES ENERXÉTICAS, na senda da loita contra a crise climática.