CONSIDERACIÓNS PREVIAS 

Na familia socialista estamos especialmente preocupados polo terrible aumento dos delitos de odio motivados pola orientación e a identidade sexual das vítimas, e temos clara a relación existente entre isto e a proliferación dos discursos que, baseados en mentiras, fomentan o odio cara este colectivo.

Sabemos que isto so se combate dende o consenso social e que as mentiras se combaten con feitos, por iso os socialistas no goberno municipal de Pontevedra levamos 4 anos traballando arreo defendendo a igualdade de trato e a non discriminación de toda a veciñanza, dende un enfoque de tolerancia, inclusión e enfocando a acción pública cara garantir o respecto á diversidade.

Conscientes disto desenvolvimos unha intensa labor sen parangón nas políticas públicas deste concello que fixo que na actualidade sexamos un referente na visibilización  das persoas LGTBI. Executando múltiples accións entre as que destacamos:

1. PROGRAMA MUNICIPAL POLA DIVERSIDADE SEXUAL PINTO E MARAGOTA.
2. XORNADA A DIVERSIDADE SEXUAL E DE XÉNERO NAS AULAS.
3. Encontro ORGULLO E MEMORIA ou Transformando o mundo.
4. VERMU PINTO E MARAGOTA trasladando aos diferentes espazos públicos ou hostaleiros da cidade a cultura pola diversidade (Música, poesía,baile, monólogos…)
5. PREMIO LITERARIO «PINTO E MARAGOTA”
6. ACTIVIDADES CONMEMORATIVAS co gallo do 28 xuño, Día Internacional do Orgullo (programa cultural e festivo, decoración os xardíns que falan e colocación de pancarta no concello)
7. CENTRO DE INFORMACIÓN SOBRE DIVERSIDADE E SEXUALIDADE (CIDES). É un centro de información en diversidade e sexualidade onde resolver dúbidas sobre sexualidade en relación ao colectivo LGTBI. Supón un centro municipal pioneiro.

A pesares disto entendemos que é fundamental seguir traballando para acadar a igualdade real das persoas do colectivo LGTBI.

PROPOSTAS

1. Seguir impulsando todas as actividades de ocio e culturais que vimos desenvolvendo.
2. Potenciar o CIDES como centro de referencia para a nosa mocidade en materia LGTB, estendendo as competencias do mesmo para poder chegar ás escolas, ou profesionais que requiran unha formación específica.
3. Impulsar un Plan Municipal para a Igualdade de Trato, que de acordo coas directivas europeas e a lexislación española vele pola non discriminación por razón de sexo, idade, orixe racial ou étnico, relixión, orientación sexual e identidade de xénero… Ditos Plans incorporan medidas para combater o racismo e a xenofobia.
4. Crear o Observatorio para a Igualdade de Trato, no que participen os representantes das principais asociacións locais  como espazo físico para o desenvolvemento de iniciativas municipais.

1. Os centros educativos deben ser espazos seguros para a diversidade. Incorporaremos nos centros escolares protocolos que incorporen a formación na diversidade de forma transversal en todos os niveis educativos, así como a formación sobre os dereitos sexuais e reprodutivos, e que integre a diversidade sexual e familiar, sembrando dende a infancia o xerme do respecto e a igualdade.
2. Visibilizaremos a  Memoria  da loita polos dereitos LGTBI .