BENESTAR SOCIAL

1. Permiso a doentes de enfermidades inflamatorias intestinais o acceso aos baños dos edificios públicos (mediante códigos, app ou calquera outro sistema que garanta o acceso libre e a seguridade) e promoción de convenios coa hostalería para o uso dos baños dos locais sen consumición
2. Concesión dunha tarxeta para permitir a persoas diagnosticadas de enfermmidades intestinais o aparcamento en prazas reservadas ou zonas de carga e descarga, sen prexudicar ás persoas con mobilidade reducida, de xeito que aqueles podan ir ao baño coa urexencia debida
3. Sinalización do centro da cidade con pictcogramas para orientar ás persoas con autismo e outras discapacidades cognitivas e guialos cara a servizos básicos (Policía, hospital, concello, centros de saúde, entre outros)
4. Cláusulas sociais en todos os pregos municipais, especialmente para persoas con discapacidade
5. Edificio municipal de asociacións con locais para cada unha e servizos e zonas comúns (Casa Azul e Benito Corbal están desbordados).
6. Activación da oficina municipal de voluntariado, podendo prestar a través dela apoio ás entidades sociais do Concello
7. Clases de ximnasia de mantemento para persoas maiores
8. Posta en marcha de programas específicos para traballar na prevención do risco e protección aos menores, de xeito que este tipo de situacións se podan evitar ou, cando menos, detectar na súa fase máis incipiente
9. Nos novos pregos de contratación do Servizo de Axuda no Fogar, inclusión dun servizo de seguimento e prevención de reincidencia de determinados casos que fosen tratados previamente dentro do programa de Atención ás Familias, pero que requiran dun seguimento máis aló do período de intervención inicial

CULTURA

1. Creación do «Centro de Interpretación do Camiño Portugués a Santiago de Compostela». Unha posible ubicación poden ser as vivendas da cabeceira norte da Ponte do Burgo
2. App da axenda cultural mantida e actualizada desde a Concellería de Cultura, na que se recolla toda a programación diaria de eventos que organicen e remitan tanto o Concello como as diferentes entidades da cidade
3. Potenciación da Illa das Esculturas, recuperando as obras deterioradas e descontextualizadas, programando un mantemento anual a cargo da Escola de Canteiros (convenio coa Deputación), mellorando a súa explicación e interpretación por parte do público e ampliando o número de obras para chegar ás 15 que se contemplaban no proxecto orixinal, e, posteriormente, ampliar ano a ano a colección, aproveitando as novas zonas verdes creadas coa estratexia Pontevedra Flúe ao longo de toda a ribeira do Lérez, mantendo o granito como elemento distintivo. Novo espazo para as exposicións temporais.
4. Convenio coa Facultade de BBAA da UVigo para dar difusión aos artistas da cidade e ao alumnado e profesorado, que expón habitualmente nos grandes museos españois e extranxeiros o que non pode expoñer no seu concello, provocando unha perda cosntante de talento local.
5. Colaboración do Concello na realización da alfombra floral no entorno de San Roque.
6. Certame anual de videoxogos na rúa (Gaming na Rúa) e liguiña de videoxogos entre os centros de ensino de Pontevedra

DEPORTE

1. Plan Director de Instalacións e Actividade Deportiva do Concello de Pontevedra, que coordine e dea sentido á actividade dos diferentes clubes e á relacións do concello con eles
2. Colaboración do Concello coa Fundación Rías do Sur para a reapertura inmediata das piscina de Ponte Muíños, reservando lámina de auga na piscina olímpica para adestramento dos clubes
3. Emprego do Pontillón do Castro para escolas deportivas e outras actividades municipais
4. Apertura das instalacións deportivas dos edificios escolares de titularidade municipal en horario de tarde para destinalos a adestramentos dos clubes de Pontevedra, escolas deportivas municipais e uso público
5. Mellora das instalacións destinadas a deportes naúticos no entorno da praia fluvial de Pontesampaio
6. Vivenda de Costas no Paseo de Domingo Fontán destinada a usos náuticos, ao servizo dos clubes da cidade
7. Habilitación das obras do novo Campo de Fútbol de Salcedo para a práctica do rugby
8. Dotación de canastas, ademais de porterías, ás pistas multideporte que se instalen nos diferentes parques e zonas de ocio
9. Transformación do actual circuito de BTT do Miradoiro de Monteporreiro nun circuito de Pumbtrack
10. Mellora do patrocinio municipal para a participación dos deportistas e clubes en competicións oficiais e ámbito español e internacional
11. Modificación da ordenanza municipal de mobilidade para favorecer o uso da bicicleta, creando, así, unha verdadeira malla de mobilidade ciclista segura. Asímesmo, aumento dos puntos estratéxicos de aparcamentos de bicicletas. Unión de Pontevedra con Marín e Poio por bicicleta

EDUCACIÓN

1. Limpeza urxente da cuberta do CEIP Álvarez Limeses
2. Plan de reverdecemento e renovación dos patios escolares de todos os centros de ensino infantil e primaria
3. Plan de mellora e conservación dos centros de ensino infantil e primaria (incluídas as edificacións anexas), seleccionando cada ano dous centros, plan derivado da posta en mantemento dun servizo de inspección e mantemento dos centros de ensino

IGUALDADE

1. Formación continua e específica da Policía Local destinada a perfeccionar as súas intervencións en casos de violencia machista e asistencia ás víctimas. 
2. Posta en marcha, xunto coa hostalería local, dun protocolo municipal de prevención e acción contra as agresións sexuais no ocio nocturno e diversas actividades festivas

MEDIOAMBIENTE

1. Incorporación da  Mancomunidade de Montes ao Consello Municipal de Medio Ambiente ou Consello Verde
2. Plan de localización e preservación de humidais, acuíferos e manaciais do Concello de Pontevedra, protexéndoos das especies invasoras e da maquinaria pesada que se emprega no campo e nos montes
3. Faixas de protección no entorno dos petróglifos catalogados no Concello de Pontevedra, axudando a que sexan máis visibles e protexéndoos dos incendios forestais e da maquinaria pesada que accede aos montes

URBANISMO

1. Remodelación integral da Seca, levando a esta zona o modelo de renovación urbana do resto da cidade